禾輋冬菇亭

^^!八珍豆腐煲$42：我以前未試過0架，有豆腐、冬菇、豬潤、魷魚、豬肉、魚、菌、菜八種材料，蘸少少豆瓣醬都幾好送飯。

今晚鐵媽唔煮飯，正當頭痛何處晚飯之際，行行復行行，不知不覺來到了禾輋邨。係喎，我從未試過聞名已久的禾輋冬菇亭，選了聲名最響的陳根記，兩個小菜，一碗飯一碗河粉。
炸子雞半隻$68：好大碟，皮夠脆，不太突出。

食得大排檔，衛生情況當然預左差啦，但食食0下豆腐煲俾我咬到一大片海鮮殼，唔知係唔覺意跌落去還是洗碗洗得唔乾淨，雖則大菌食細菌，心裡還是有些不安。

整體麻麻地，同一般大排檔冇分別，可能人太少試不真啦，鄰桌大班年青人一檯啤得好開心呀！